Í dag fögnum við alþjóðadegi hamingjunnar – degi sem minnir okkur á að hamingjan býr oft í litlu augnablikunum, ekki síður en þeim stóru.
Á öllum æviskeiðum leitum við að gleði, tilgangi og tengingu. Með árunum lærum við þó betur að meta það sem skiptir raunverulega máli: innihaldsrík samskipti, björtu brosin, rólegar stundir og tilfinninguna að tilheyra. Hamingjan verður oft dýpri með árunum – og oft einfaldari.
Á Aldur er bara tala trúum við því að lífið haldi áfram að bjóða upp á fullt af tækifærum til að gleðjast, sama á hvaða aldri við erum. Hamingjan er ekki bundin við ákveðið tímabil – hún fylgir okkur alla ævi, ef við gefum henni rými í hjarta okkar.
Í dag er gott að staldra við og spyrja sig:
Hvað fær mig til að brosa?
Hvað veitir mér gleði og frið ?
Kannski er svarið nær en við höldum.
Gleðilegan alþjóðadag hamingjunnar ❤️
